Shopping Mall saknak kong he pehtlai in Chin Ramkulh Cozah le mizapi tonbiaruahnak an ngei Chin Ramkulh cozah nih Hakha Khuathar, Ral Hmung certual i Shopping Mall sak a timh mi kong he pehtlai in Chin Ramkulh cozah lutlai cheukhat le mizapi tonbiaruahnak cu 2020 January 29, Hakha BHES No. 2 ah an ngei, tiah kan theih. Hi tonbiaruahnak ah hin Ramkulh Hluttaw Speaker Pu Zo Bawi, Lamsuul Minister Pu Sui Thio le Sipin Minister Pu Soe Htet hna an i tel i, a tanglei
bantuk in Pu Zo Bawi nih, “Hakha khuapi hi i dawh seh, thangcho seh ti kan duh ahcun, mizapi lei in kan lung aa rual taktak a herh.
Atu Ral Hmung certual ah sak kan timh mi Shopping Mall hi kyat 28 billion in kan sak lai. Cun, hi Shopping Mall kan sak hlan ah Ral Hmung certual
ai-awh nakding ca ah certual tha taktak kan in chunhpiak hmasa hna lai, tiah bia kan in kamh hna. Hi Shopping Mall kan sak tik i a tang ah hin motor, motorcycle 150 in 200 kar tlum ding in Parking kan tuah lai. Cun, khualipi pakhat si ve tung i lamkam ah dawr tuah le i phozar hi khuapi sining a si lo. Khualipi pakhat kan si ve bantuk in Shopping Mall hi cu a si khawh chung in kan tawlrel a hau,” tiah tonbia
ruahnak ah a chim. Cun, Pu Rual Ceu nih, “Kannih Hakha Khuathar nulepa hna zong nih cu tluk i kan Hakha a cawisangtu ding a si mi cu nan tuah khawh ahcun a rannak in kan tuahpiak ko u, tiah fawi tein kan leh ve hna,” tiah mizapi sin ah a chim. (By: Salai Tluangte
