Shanram, Hsihseng peng chung kahdohnak ah SAC ralkap 46 an thi i, meithal zun 15 le Drone pahnih cu Pa-O National Liberation Army (PNLA) nih an laak, tiah theih a si.
Atu August thla chung ah PNLA ralkap pawl an umnak hmunram ah SAC ralkap le Pa-O National Organization (PNO) Pyituhsit pawl nih ral laam an sial caah kahdohnak voi 14 tiang a chuak, tiah PNLA nih thawng a chuah.
PNLA le SAC/PNO Pyituhsit karlak kahdohnak ah SAC ralkap 48 an thi i, PNLA nih SAC ralkap ruak 31 an char pin ah meithal zun 15 le Drone pahnih zong an laak.
SAC le PNO Pyituhsit i bawm in PNLA hmunram chung i khuate lei ah vanlawng, drone le hriampi in kahdohnak pehtlai in an tuah caah khuami 3,000 leng ramlak ah an zaam hna, tiah theih a si.
