Ramkomh ngunkhuai upadi remh thannak upadi cu 2021 March 3 ah fehter a si cang ca ah 2021 September 30 tiang rammi sin ah zei ngunkhuai hmanh hal ti lo ding in CRPH nih a ser mi President Zung nih a thanh.
March 4 nithla khenh in chuah mi nawlpeknak ca chung ah, ‘ngunkhuai a phunphun hoih in rammi sin halnak nawl a ngeitu minister zung pawl tang ah rian a tuan mi zung lutlai hna le tuanvo ngeitu hna nih, mahle tuanvo lak mi ngunkhuai pawl kha 2021 September 30 tiang nan hal hna lai lo,’ tiah an tial.
2020 ramkomh ngunkhuai upadi remh thannak upadi a zul lo mi, zei bantuk cozah riantuantu hmanh hman lio mi upadi ning in dantat nan si lai ti zong an tial. Nawlpeknak ca cu, Pyidaungsu Hluttaw Aiawhtu Phu CRPH nih President Zung caankarlak minister rian a pek mi Minister U Lwin Ko Latt minthut in an chuah.
