Senior General Min Aung Hlaing Chinram a tlawng, Ralkap thazaang pek pah in Hakha Khuanu Khuapa he tonbiaruahnak a ngei
Myanmar ram Ralkap Lutlai (Commander-in-Chief of Armed Forces of Myanmar) Senior General Min Aung Hlaing cu March 10 ah Tedim, Falam le Hakha ah a um mi Ralkap chungkhar hna thazaang peknak a ngei i Hakha Khuanu Khuapa he March 11 zing ah tonbiaruahnak a ngei, tiah kan theih.
“Very Important Person (VIP) pawl khuallam hi cu fiang in chim khawh a si lo pin ah chim phung zong a si lo. Ka chim khawhtawk ah tutan a hung tlun hi Tedim, Falam le Hakha ralkap umnak hmun zohfel le chungkhar pawl thazaang pek deuh ah a si ko. Hakha belte ah Khuanu Khuapa he Town Hall ah tonbiaruahnak a ngei i cucu phundang ngai thil a si. Amah belte, kei hi khual ka tlawng i zeibantuk tonbiaruahnak an ngeih belte ka thei kho lo,” tiah Chin Ramkulh Cozah Chimphuannak Nawlngeitu Sipin Minister Pu Soe Htet nih The Hakha Post ah a chim.
Photo : Hakha Viewpoint
