Senior General Min Aung Hlaing 2020 kum ah President a si kho: U Yee Htut

Myanmar ram ralkap Lutlai Senior General Min Aung Hlaing cu 2020 kum ah Myanma ram President hmuh te dawh a si, tiah U Yee Htut nih a langhter.
Rawlbawi hlun a si mi U Yee Htut nih, ISEAS Singapore hrambunh thawngzamhca a tial mi ah cun “Atu lio ralkap Lutlai Gen. Min Aung Hlaing hi Daw Suu nakin kum 10 tluk a ngakchia mi a si. Amah hnu ah kum no ralkap bawi pawl nih a hmunhma a rolh khotu ding an um ko,” tiah a tial.
Phunghram Upadi ning ah Hluttaw chung i Ralkap Palai chung in Vice President pakhat chuahpi khawh a si. Kum 2020 thim tik ah NLD nih Daw Aung San Suu Kyi nehhnu zong ah fimthiamnak tling a ngei mi mino hruaitu thar an um ko ti kha mizapi fianter aa timh ding a si. President U Win Myint hi a hluhchuah ding le ding lo cu Daw Aung San Suu Kyi nih tuan khawhnak nawl zeizat dah a pek lai ti mi cung ah aa khing mi a si ti zong hi U Yee Htut nih a ruahning a si.
U Win Myint hi ramkheel lei ah hmuh mi kaupi a ngei. Hluttaw ah nawlhnihnak tiang aa tel. Kum 20 leng NLD ah riantuan in a hmuhton mi nih Cozah chungtel pawl hi an thazaang a thawnter khawh hna lai tiin Generation Leader for Myanmar’s National League for Democracy cabia ah U Yee Htut nih a tiai. (Ref: BBC)