Magwe ramthen, Saw peng, Tawma khuate cu May 14 ah SAC nih vanlawng in bomb a thlak caah ngakchia pahnih tel in minung pasarih an thi i pakua hma faak an pu tiah theih a si.
Saw khua in meng 10 hrawng a hlatnak Tawma khate ah facang phawtnak a um i minung an i but lio ah SAC vanlawng nih bomb a thlak hna tiah bawmchantu nih an chim.
“SAC vanlawng nih a kah hna ruang ah pasarih an thi. Inn 11 a rawk i hma a pu mi hna cu an thlop cuahmah hna,” tiah tualchung mi pakhat nih a chim.
A thi mi hna cu thla riat bawhte le kum nga nakchia tel in minung pasarih an si. Pa pathum le nu pali an si tiah kan theih.
May 9 zong ah Saw peng, Akyipanpalun khuate cu SAC nih vanlawng in bomb a thlak caah minung 16 an thi i 25 hma an rak pu tiah theih a si.
