Paletwa peng, Sami khua ah kum 65 a si mi upa pakhat nih bomb rap aa lamh sual caah a nunnak a liam, tiah thawng kan theih.
Nizaan April 1, chun sml. 1:00 hrawng ah khan Sami khua, Sang No. 2 ah a um mi Pu Leih Thang cu lo a kalnak lampi ah bomb rap aa lamh caah a nunnak a liam hi a si.
Tualchungmi pakhat nih, “Bomb rap aa lamhnak lam hi khuami pawl kan kal lengmangnak a si ko. Sizung ah kan kalpi ko nain sizung kan phak hnu ah a nunnak a liam,” tiah Zalen ah a chim.
Pu Leih Thang cu bomb rap aa lamh ruang ah a kee pahnih in an bul i Rakhine ramkulh, Kyauktaw sizung an phakpi hnu ah a nunnak a liam hi a si.
