Sagaing ramthen, Khamti khua um Khamti thonginnpi cu October 18 zing ah an boh tiah khuami nih an chim.
A hramthawk ah cun thongtla minung 16 an luat nain minung pahnih an tlaih manh than hna. Minung 14 cu nawlngeitu hna le ralkap pawl nih an dawi hna, tiah BBC nih a tial.
A luat mi hna nih tuanvo ngei tu ralkap hriamnam tlawmpal zong an lakchih tiah an chim. Thong bauh a si hnu tuzing suimilam 6:00 in Council ralhraang pawl nih khua chung ah an kawl hna i ti lam le tlang lam an phih dih. An kawl cuahmah hna ti zong an chim.
“Motor zong in an kawl hna. Khamti in Chaklei a kai ding le Thlanglei a zuang ding zong an phih ii chekhlatnak an tuah. Khua chung zongah an dum hna. ” tiah khuami pakhat nih a chim.
Thong chung ahhin ramkheel thongtla 20 in 30 kar an um i kan hnu ah KIA in an tlaih mi zong an um ti a si.
Khamti thong bauhnak he pehtlai in ralhraang sin ah BBC nih halnak tuah ai zuam lio a si.
Khamti in meng 3 a hla mi Khamti-Nansipon lam ah a ummi hi thonginn hi ramkhel thongtla minthang pawl chan fatin an chiah tawn hnanak thonginn a si.
Ref. BBC Burmese
Hmanthlak: Nikum ah thongtla pawl thong in an chuah lio hmanthlak
