Sagaing ramthen, Butalin peng, Dandine khua luhnak lei cu Nihin October 15, zinglei suimilaam 5:00 tluk ah Council ralhrang nih hriam ngan in an kah caah PDF chungtel pakhat le khuami upa pakhat an thi tiah khuami nih an chim.
Cuka ah cun hma a pu mi le tlaih a tong mi zong an um tiah a chim.
“Council ralhrang nih khua runvennak buk cu hriam ngan in a kah. Rammi rungvengtu phu nih an kah ve hna nain hriamnam le minung thazaang aa dan caah minung pathum tlaih an tong. Rammi rungvengtu phu chung in pakhat hma a pu i pakhat cu a nunnak a liam. Khuami cu himnak hmun ah an zaam cang” tiah khuami pakhat nih a chim.
Ruah lopi in kahnak ton mi a si caah a zaam manh lo mi zong an um tiah a chim. Council ralhrang lei nih cun Butalin peng, Dandine khua i a cang mi kong he pehtlai in thanhnak a tuah rih lo.
Source. BBC Burmese
