2020 kum Myanmar ram party tling democracy thimnak Sagaing Ramthen chung in Chinmi mee a pe kho ding 173,997 an um tiah Ramthen, Election Commission Chairman U Tin Oo sin in kan theih.
Sagaing Ramthen chung i Chinmi Mee pe kho ding a tam cem hi Kalay Peng in minung 131,359, Tamu Peng in 35,793, Humalin Peng in minung 3310, Layshi Peng in minung 1350, Khandi Peng in 309 le Peng dangdang zong ah za leng an si tiah kan theih.
“Sagaing Ramthen chung ah mee a pe kho ding min cazin langhter mi hi a tam ngaingai. Cun, Sagaing Ramthen chung ah peng hnih chung lawng ah Chinmi an um lo. 2015 kum thimnak lio ahkhan Chinmi mee a pe kho minung 150,000 an si,” tiah Tin Oo nih The Hakha Post ah a chim.
Sagaing Ramthen chung ah nihin tiang Chin Affairs Minister aa zuam ding hi Party in minung 5 le Independent in minung 2 an si lai tiah kan theih.
