Chin ramkulh, Thantlang peng, Khuafo khua cu August 14 zing ah SAC nih vanlawng in bomb a thlak tiah theih a si.
Nihin hi Thantlang khuachung ah kahdohnak cu a um ko nain Khualhrintlang Khuafo khua ah cun kahdohnak a um lo.
Khuafo khua cu a luan cia 2023 March 30 ah SAC ralkap nih vanlawng in bomb an rak thlak bal cang i, kumtling lo ngakchia hna tel in minung 8 an nunnak a rak liam.
Nihin SAC nih bomb a thlak ruang ah Baptist Biakinn le khuami inn 4 an rawk tiah kan theih.
Thantlang khua ah kahdohnak a um caah SAC nih Hakha khua in miakpi zong ningcang lo, pehtlai in an kah i Hakha peng, Loklung khua ah inn thum a rawk ti zong theih a si.
