Chinram, Paletwa peng, Kyilay khuate ah SAC ralkap nih January 15, chunhnu sml. 2:00 hrawng ah vanlawng in a kah hna caah khuami 4 an nunnak a liam i, minung 3 nih hliam fak an pu, tiah thawng kan theih.
“Jet Fighter vanlawng in khuachung ah bomb a thlak. Kum 5 ngakchia pakhat telh in minung pali a nunnak a liam,” tiah khuami he naihniam pakhat nih The Hakha Post ah a chim.
SAC ralkap nih Kyilay khua vanlawng in bomb a thlak lio ah hin a kiangkap ah kahdohnak a um lo.
Kyilay khua bomb thlak a ton ni January 15 ah hin Mindat peng, Vomtu khua zong ah SAC ralkap nih vanlawng in bomb a thlak i, kum 70 hrawng a si mi nu upa pakhat a nunnak a liam ve, tiah thawng kan theih.
