Kanpetlet peng ah SAC ralkap nih vanlawng in bomb a thlak caah nu pakhat le ngakchia pakhat a nunnak a liam, tiah Kanpetlet peng mizapi ukhruaitu bu nih theihternak a tuah.
Nizaan August 13, chunhnu sml. 1:48 ah Kanpetlet peng, Sat-choh khua cu SAC nih vanlawng bomb a thlak caah kum 42 a simi nu pakhat le kum 3 lawng a si rihmi pa ngakchia pakhat an thi, tiah a langhter.
SAC nih vanlawng in bomb a thlak ruang ah minung pahnih an thih lawng si loin thla 6 bawhte pakhat, kum 12 ngakchia pakhat le a dang khuami pahnih zong hliam faak a pu hna.
Kan hnu June 11 zong ah khan Kanpetlet peng, Chin-latt-mon khua sianginn cu SAC nih vanlawng in bomb a thlak caah kum 78 pitar pakhat a thi i, a dang khuami 4 hliamhma an pu, tiah theih a si.
