Nihin January 16, chun sml. 12:00 ah Shan ramkulh, Namhphatkaa pawng ah SAC ralkap vanlawng pakhat tla lak in kan kah, tiah KIA chimnak nawlngei Colonel Naw Bo nih a chim.
“Vanlawng kan kah timi hi ahmaan mi a si i, a thla ti mi zong ahmaan mi a si ko. Fighter Jet a si. SAC ralkap bu (Kha La Ya-123) sakhaan pawng ah a tla tiin kan theih,” tiah Colonel Naw Bo nih BBC ah a chim.
Thawngpang theih ka a si caah dikthliar tein chim khawh a si rih lo nain KIA nih vanlawng tla lak in kan kah ti mi cu a faing mi a si ko, tiah a chim chap.
Aluancia December 29, 2023 thawk khan Kutkai khua he a naihnak Namhphatkaa pawng ah KIA le SAC ralkap (Kha La Ya-123) an rak i kap i, nihin ni tiang kahdohnak a dai rih lo.
KIA nih Namhphatkaa hrawng ah Fighter vanlawng tla lak in an kah mi kong he pehtlai in SAC lei nih thawngpang an chuah rih lo.
