Shanram thlanglei, Hsi-hseng peng ah SAC ralkap pawl nih anmah kamh mi bomb an i lamh caah minung pariat an thi, tiah Pa-O National Liberation Army (PNLA) ṭuanvo ngeitu nih a chim.
“Kap hnih kahdohnak zong a um lo nain amah kamh mi bomb an i lamh caah pariat an thi i, a dang pahnih an nung in kan tlaih hna,” tiah PNLA ṭuanvo ngeitu pakhat nih Khit Thit Media ah a chim.
Nizan February 6 zong ah PNLA hmunram Hsi-hseng chaklei hmun pakhat ah PNLA le SAC ralkap karlak kahdohnak a chuak i, SAC ralkap ruak paruk le meithal zun 5 cu PNLA nih an laak.
PNLA cu NCA minsen a thu mi tlangcungmi hriamtlai a si nain atu kum January 26 ah khan NCA hnatlaknak in an chuak. Atu ah cun SAC ralkap a do mi hriamtlai bu pakhat a hung a si cang.
