Falam peng, Falam-Kalay lam, Pine Camp ah umhmun a khuar mi SAC ralhraang hna chung in Pyae Phyo Aung, kum 17 cu September 26 ah zenthong le bomb i ken in CNDF sin ah a zaam tiah theih a si.
“Ka zaam khawh nakding ah caan saupi ka rak i zuam. Meithal cu ka rak i ken kho lo. Meithal cu gate hngak pawl lawng an tlaihter hna. Meithal he a zaam mi an tam tuk cang caah gate hngak a si lo mi cu meithal an kan tlaihter lo” tiah Pyae Phyo Aung nih a chim ti in The Rihli Voice nih a tial.
SAC ralkap Pyae Phyo Aung cu M1 zenthong 345, kut cheh bomb 2 le 40mm bombthei 2 he CNDF sinah a zaam i, himnak hmun ah CNDF nih an thlah cang ti zong CNDF tuanvongeitu bia cherhchan in an langhter.
Pyae Phyo Aung cu 2022 October 15 ah SAC ralhraang nih an rak tlaih mi a si i, hramhram in SAC ralkap ah an luhter mi a si tiah theih a si.
Photo: The Rihli Voice
