Falam peng, Falam-Kalay lam ah a um mi Vaar hlei pawng SAC camp cu nihin November 15 zanlei suimilaam 1:00 hrawng ah SAC ralkap nih an chuah taak tiah thieh a si.
“Tu chun ah sakhan an chuah taak i Forland motor pahnih in Falam khua lei ah an kai dih. Atu hrawng cu mizapi ralkap lei nih ralhraang sakhan an lakpiak lengmang hna caah an chuah taak mi a si lai” tiah Vaar camp pawng um pakhat nih The Rihli Voice ah a chim.
Vaar SAC ralkap camp cu a luan cia April 10 ah CNDF nih an rak chim i ralhraang 11 an thi, a nung in 14 an tlaih hna leng ah hriamnam tampi zong an rak laak. CNDF nih an laak hnu ah SAC ralkap nih umhmun an khuar than i nihin ah an chuah taak than hi a si.
Photo: CNDF (CNDF nih Vaar SAC camp an rak laak lio hmanthlak hlun a si.)
