Tu zaan sml. 7:00 hrawng ah SAC ralkap nih miakpi an kah mi cu Kalaymyo, Hmunlai sang ah a tla i minung pathum an thi, pahnih nih hma faak an tuar tiah theih a si.
“Hmunlai Sang, sianginn pawng ah a tla i khuami pathum an thi. hma a pu mi zong an um” tiah tualchung mi pakhat nih a chim.
A nunnak a liam mi hna cu Pu Lal Nun Thar (Manga), Pi Than Cuai le nungak Monica Lalnunmawii an si. Hma a pu mi pahnih an si i, a nunnak a liam mi Monica nau Mai Deborah zong hma a pu ve tiah kan theih.
Nihin February 21 ah SAC ralkap nih Kalay peng hmun kip ah ningcang lo in miakpi an kah caah Letpanchaung khua zong ah nu pahnih le pa pahnih hma an pu. Cu bantuk thiamthiam in Kalay peng Pyidawtha khua ah SAC miakpi kah mi ruang ah minung pakhat hma a pu ve tiah theih a si.
SAC ralkap nih Kalay peng chung ah ningcang lo in miakpi a kah caah nihin lawng ah a thi mi pathum an si i pasarih hma an pu tiah kan theih.
