Tanintharyi ramthen, Dawei peng ah SAC ralkap 300 deng nih an zulh mi motor 17 phu cu KNLA hruai mi ralkap phukomh nih an kah i 30 leng an thi, motor 7 an hrawh khawh tiah theih a si.
February 17 ah Dawei khuapi in Kyaukmetaung khuate SAC ralkap camp le palek camp lei ah ralkap thazaang chap ding, riahcaw le kuanzen chanh ding in motor 17 an i thawh. Cu motor phu cu SAC ralkap 300 deng nih an zulh i Dawei-Htikhi lam an zawh lio ah dohthlengtu ralkap phu nih an kah hna hi a si.
“February 17, motor tlar an chuah ka tein dohthlengtu ralkap le KNLA nih an kah hna. Nizan ah kahdohnak a faak khun. Ralkap motor zong an hrawh khawh. Nizan lawng ah ralkap motor phu in ruak 20 leng kan hmuh. A tlawm bik 30 leng an thi lai. Hriamnam zong zun 30 leng kan laak khawh,” tiah raalram thawnghram nih Khit Thit Media ah a chim.
SAC lei nih helicopter le miakpi in an kah hna i kahdohnak zong a faak ngaingai. Cu kahdohnak ah cun rammi ralkap panga nak tlawm lo nih ram caah an nunak an pek tiah theih a si.
