Sagaing ramthen Shwebo peng, Kyaukmyint le Tinttei khua cu ralhraang nih mei in an khangh i inn 600 leng a ciam tiah khuami nih an chim.
February 12 zinglei suimilaam 8:00 tluk ah ralhraang nih Kyaukmyint khua cu meithal puah bu in an rak luh hnawh i inn 200 leng an khangh. Chun suimilaam 1:00 tluk ah ralhraang pawl nihcun Tinttei khua an luh hnawh than i inn 400 leng an khangh tiah theih a si.
‘‘February 12 ah Kyaukmyint khua cu a hmasa bik ah an khangh mi si. Zingka tuan te ah khua cu an luh hnawh i suimilaam 8:00 tluk ah inn khangh an thawk. Inn 200 leng a ciam. Chun suimilaam 12:00 hrawng ah Tinttei khua an luh hnawh i suimilaam 1:00 tluk ah inn an khangh. Inn 400 leng a ciam. Cu khua pahnih pin ah Kyar khua zong an khanghchih” tiah khuami pakhat nih a chim.
Ref. Khit Thit Media
