April 6, 2023
Falam le Hakha kar ah a um mi Ramthlo khua cu nihin April 6 ah SAC ralhraang nih an khangh i inn 18 nak tlawm lo a ciam tiah theih a si.
SAC ralhraang nih Ramthlo khua inn an khangh mi lawng si lo in thlaanmual lam ah khuami nih an thuh mi bus motor pahnih zong an khanghchih tiah tualchung mi sin in theih a si.
Nizan April 5 ah Tlangzar khua zong SAC ralhraang nih an khangh cang i inn sarih le thilri chiahnak thlaam pakhat a ciam tiah kan theih.
March thla thawh ka ah Kalay in a rak i thawh mi SAC motor tlar le ralhraang pawl cu Chin ralkap nih lam thluan chuak bomb an puah hna, an kah hna. Falam le Ramthlo kar ah kahdohnak a faak khun i ralhraang lei a thi mi le hma pu an tam caah atu bantuk in Tlangzar le Ramthlo khua hnih ah SAC ralhraang nih inn an khangh mi a si tiah kan theih.
