Myanmar ram nawlngeihnak an laak hnu kum hnih le cheu chungah SAC ralhraang nih ngandamnak lei rianțuantu minung 104 an thah hna tiah NUG nih 2023 October 5 thawngfianhnak ah an chim.
Cun, tlaih a tong mi ngandamnak lei rianțuantu minung 872 an si tiah NUG Ngandamnak lei Zung nih cazin an langhter.
Ngandamnak sii-inn a za leeng kah an ton caah hliam a tuar mi ngandamnak rianțuantu minung 115 an si.
SAC ralhraang nih nawlngeihnak an laak thawk in, ngandamnak rianțuantu minung tampi nih CDM an tuah. SAC nih ngandamnak rianțuantu hna cu rian ah lut than dingin an lemsoi lengmang hna. Cun, CDM siibawi pawl nih an honmi sii-inn hna cu an license an chuh tawn hna.
Hmanthlak: Uknak chuttu duh lo lamzawhnak ah ngandamnak riantuantu pawl (Credit)
