Ralhraang Council nih uknak hramhram in an laak hnu in Chinram chung ah inn 1600 leng an khangh tiah Data For Myanmar nih nihin ah a thanh.
Ralhraang Council nih kum hnih fai chung Myanmar ram pumpi ah inn thong sawm sarih leng an khangh i Chin ramkulh ah inn 1600 leng an khangh.
SAC ralhraang nih rammi inn an khangh mi hna lak ah Sagaing ramthen ah inn tam bik an khangh i inn 53,000 leng, Magwe ramthen ah inn 10,000 leng le Chin ramkulh ah inn 1600 leng an khangh tiah theih a si.
Cu pin ah, SAC nih Mandalay ramthen, Tanintharyi ramthen, Bago ramthen, Kayah (Karenni) ramkulh, Shan ramkulh le Karen ramkulh hna ah inn 4,000 leng an khangh tiah Data For Myanmar phu nih an langhter.
Photo: TCP
