Nihin June 16, zinglei ah SAC ralhraang pawl nih Thayetchaung peng, Yange khuate, Innbu sang cu mei in an khangh i inn hnih a ciam, Yange khuami 220 leng an tlaih hna i raalphaw ah an hman hna tiah Khit Thit Media nih a tial.
“Yange khua, Innbu lei kap sianginn pawng inn pawl cu ralhraang nih tu zing ah an khangh hna. Inn hnih a ciam cang tiah an ti. Inn dang zong an khanghchap rih tiah kan theih. Yange khuami 200 leng an tlaih hna i raal khamnak phaw ah an hman hna ti kan theih,” tiah khuami pakhat nih a chim.
Yange khuami tam deuh cu Thailand ram lei ah rian a tuan mi an tam caah, Thai ser inn chung thilri a ngei mi inn pawl cu SAC ralhraang nih an bauh hna i, vawlei phor motor pahnih in man ngei thilri pawl an fir hna tiah Khit Thit Media nih a tial.
#TheHakhaPost
