Chinram Cozah ralkap hna nih Thantlang khua i abiapi bikmi SAC ralkap sakhaan an laak hnu ah SAC nih Fighter Jet in Thantlang khua cu pehtlai in a kah, tiah theih a si.
Nihin August 6 ah SAC ralkap nih Jet Fighter pathum in Thantlang ah kahdohnak a tuah tiah CNF/CNA chimnak nawlngei Salai Htet Ni nih a chim.
“Jet Fither pathum in bomb a rak thlak. Kanmah lei in aa hliammi kan um lo. Khuachung inn rawk pawl ah SAC ralkap pawl an i dup i pehtlai in thianhhlimhnak kan tuah,” tiah Salai Htet Ni nih Mizzima ah a chim.
Nihin nikhat chung lawng ah Thantlang khuachung le Thantlang-Hakha karlak ah SAC ralkap nih zinglei, chun le zaanlei ah vanlawng in bomb thlaknak pehtlai in a tuah.
Vanlawng bomb thlaknak ah Chinram Cozah ralkap (CNA/CDF) in aa hliammi an um lo, tiah Salai Htet Ni nih a chim.
Thantlang khualu lei ah a ummi Kha-La-Ya 269 SAC ralkap sakhaanpi cu nizaan August 5 zinglei sml. 9:00 fai ah Chinram Cozah ralkap nih an laak khawh cang nain khuachung hmun 2 hrawng ah SAC ralkap hmunhma an la rih, tiah theih a si.
