SAC ralhraang nih nihin July 18, zinglei suimilaam 11:00 hrawng ah vanlawng panga in Kanpetlet peng, Masatui khua ah bomb a thlak caah inn tampi an rawk tiah CDF-Kanpetlet (Khonu Battalion) nih a thanh.
Ralhraang vanlawng nih bomb a thlak ruang ah inn a rawk mi an tam i, khuami hliam tuar an um le um lo belte hngalh a si rih lo.
Ralhraang council nih Chin ramkulh chung khua pawl ah vanlawng in bomb a thlak ruang ah sualnak ngei lo khuami tampi an thi, tampi hma an pu i biakinn tel in inn tampi a rawk cang. Khua kip ah vanlawng bomb raal vennak ca ah khor cawh cio ding in rammi ralkap phu hna zong nih forhfialnak an tuah lengmang.
Photo: Khonu Battalion (SAC ralhraang vanlawng nih bomb a thlak mi Masatui khuate)
