Paletwa peng, Pinwa khua ah SAC nih vanlawng in bomb a thlak caah Khrihfa biakinn le Buddhist sianginn an rawk, tiah theih a si.
February 25 zaan sml. 9:00 hrawng ah SAC nih fighter vanlawng in Pinwa khua ah Pound 500 bomb pahnih a thlak i Presbyterian biakinn pakhat le a pawngkam i Buddhist sianginn pakhat an rawh hi a si.
Tualchungmi pakhat nih, “Biakinn pakhat le phungki sianginn pakhat an rawk. Hall pakhat zong a rawk ve. Minung umnak he aa hlatnak a si caah a dang innlo rawhralnak le minung thihlohnak a um lo,” tiah a chim.
Paletwa peng chung ah phone le internet line a ngah lo caah vanlanwng bomb thlaknak ruang ah a cang mi thil sining kong he pehtlai in khulrang in theih khawh a si lo, tiah Paletwa tualchungmi hna nih an chim.
