Chinram, Paletwa khua ah SAC nih vanlawng in bomb a thlak, machine gun in a kah hna caah ngakchia pathum tel in khuami panga an thi tiah tualchung media hna sin in theih a si.
A luan cia February 11 le 12 ah khan kah dohnak a um lo nain SAC nih Paletwa khua cu vanlawng in bomb a thlak i machine gun in a kah tiah theih a si.
February 11 ah SAC nih vanglawng in bomb a thlak i kum 9 nu ngakchia pakhat le kum 19 pa pakhat nunnak a liam. February 12, zanlei sml. 5:00 ah SAC ralkap nih vanlawng cung machine gun in an kah than hna caah kum 25 nu pakhat, kum nga le kum 14 pa ngakchia pahnih, an dihlak ah minung pathum nunak a liam tiah tualchung media a si mi Kimo-News nih a tial.
SAC nih Vanlawng in kahdohnak ruang ah inn pathum le Khrihfa biaknak zung pakhat a rawk ti zong a langhter.
Photo: Kimo-News (Paletwa khua ah SAC nih vanlawng in kahdohnak a tuah ruang ah a rawk mi inn)
