Nihin January 15, zaanlei ah Chinram, Mindat peng chung ah SAC nih vanlawng in kahdohnak a tuah, tiah thawng kan theih.
Mindat peng chung, Taiknay No. 1 le 2 ah SAC nih vanlawng in kahdohnak a tuah hi a si i, atu tiang ah cun vanlawng kah ruang ah rawhralnak le thihlohnak a um le um lo a fiang rih lo, tiah tualchung mi hna nih The Mindat Post ah an chim.
Zaanlei sml. 3:40 hrawng zong ah khan Magwe vanlawng bual in SAC Fighter vanlawng pahnih nitlak-chaklei kap ah an zuang i, khawzei lei dah an panh lai ti mi theih a si lo.
