Nizaan June 4, zaanṭim ah SAC ralkap nih Mindat peng chung ah vanlawng in bomb a thlak caah tualchungmi pakhat a thi, tiah thawng kan theih.
Zaanṭim sml. 12 hrawng ah Mindat peng Rampan khuate cu SAC nih vanlawng pahnih in voi 4 bomb a thlak caah inn 5 hrawng an rawk i, pa upa pakhat a thi, tiah tualchungmi pakhat nih a chim.
Tualchungmi pakhat nih, “Inn a rawk mi lak ah hin laak awk ṭha lo in a rawk dih cikcek mi zong an um. Pa pakhat a thih pin ah a dang minung pathum zong hliamhma an pu,” tiah a chim.
Kan hnu May 30 le 31 zong ah khan Mindat peng Church Khua le Nambun khua ah SAC ralkap nih vanlawng in bomb a rak thlak caah tualchungmi paruk hliamhma an pu, tiah theih a si.
