October 1 in SAC nih innchungkhar cazin laaknak a thawk nain Chinram chung SAC an um rihnak Hakha, Falam, Tedim, Mindat le Kanpetlet khua hna lak ah Hakha, Falam le Tedim sang cheukhat lawnglawng ah SAC nih mincazin laaknak an tuah khawh, tiah thawng kan theih.
Hakha ah cun SAC nih chungkhar mincazin laaknak a tuah caah kahdohnak a chuak. Tedim zong ah innchungkhar mincazin laaknak ah SAC a bawmtu minung pakhat cu PDF-Zoland nih an tlaih.
Falam khua zong ah SAC ralkap sakhaan aa naihnak sang le Vankau sang hrawng lawng ah SAC nih mincazin laaknak a tuah khawh.
CDF-Hakha le PDF-Zoland tel in Chinram chung dohthlengtu bu hna nih SAC tuahmi chungkhar mincazin laak ah i tel lo ding in ralrin peknak le forhfialnak ca an rak chuah, tiah theih a si.
