Hakha ah pa pahnih motorcycle phirh le nu nih motorcycle hnulei ah pa phirh a ngah lai lo, tiah SAC nih July 11 nawl a chuah, tiah theih a si.
Chinram chung khuate le khuapi pawl ah hriamnam i ken i mizapi thilri a chuttu le tlerhkhawnnak a tuahtu pawl an um caah atu bantuk hin nawl kan chuah hi a si, tiah SAC nih a langhter.
Pa pahnih motorcyle i phirh lo ding, nu nih pa motorcycle phirh lo ding, pa nih nu cu phirh khawh a si ti mi le nu pahnih zong i phirh khawh a si ti mi nawl cu July 11 thawk in nunter a si lai, tiah an langhter.
Hi nawl hi 2024 September 8 tiang a nung lai i, nawl a buar mi poh cu phung ning dantatnak an si lai, tiah SAC nih a langhter chap.
