April 27 zaan sml. 8:30 hrawng ah Chinram, Falam peng, Webula khuapi cu SAC nih vanlawng in bomb voi hnih a thlak caah minung paruk hma an pu i, biakinn tel in inn 15 a rawk tiah theih a si.
“Hma a pu mi chung ah kum hnih ngakchia le a nu an i tel. Nu pahnih le pa pali hma an pu,” tiah tualchung thawnghram nih a chim.
Webula khua pawngkam ah kahdohnak a um lo nain Webula he ramri a si mi Kalay peng Thlanglei ah kahdohnak a um i, April 25 in 27 tiang Kalay Thlanglei Natchaung, Natmyaung, Tanbu, Kyaw, Aungchantha le Hmandaw khua ah SAC nih vanlawng in bomb a thlak hna caah minung pali nunnak a liam tiah theih a si.
2023 April thla ni 10 zong ah Webula khua cu SAC nih vanlawng in bomb a rak thlak i minung pakua nunnak a rak liam tiah theih a si.
Photo: CJ
