Mi ngiatthlai ah civil thuam in aa chawk mi SAC ralhraang pahnih kan tlaih hna tiah CDF-Hakha nih nihin March 16 ah a thanh.
CDF-Hakha nih SAC mi ngiatthlaitu thlingthla pahnih lak ah pakhat cu 2024 March 9 ah an tlaih i, a dang pakhat cu March 13 ah an tlaih tiah theih a si.
“Civil thuam in ralhraang pawl an i chawh lengmang caah mizapi i ralring u, lunghrinhmi nan hmuh ahcun thawng kan thanh colh u,” tiah CDF-Hakha thawngthanhnak ah an langhter.
Civil thuam in an um zong ah ralhraang cu kan kah cang hna lai caah ralhraang he naihniam ah mizapi um lo ding thawng kan in thanh hna, ti zong CDF-Hakha nih an thanhchih.
Photo: CDF-Hakha
