SAC kuttang ah a um mi Kokang Pyithusit chung in minung 15 cu meithal zun 16 he an rak i ap tiah MNDAA nih nihin ah a thanh.
Kokoang Pyithusit minung 15 meithal zun 16 he an rak i apnak thawng cu MNDAA nih Tuluk ca in an tial i ramchung media hna nih an langhter.
Cu kong he pehtlai in MNDAA chimphuannak nawlngeitu Li Kyarwan nih, “Hihi operation kan tuah mi ni nga chung ah, SAC lei battalion ning in hriamnam a rak chia mi an um bantuk in Pyithusit pawl zong a rak i ap mi an um ve. Kanmah MNDAA zong nih Kokang Pyithusit le SAC ralkap pawl rak i ap uh ti mi forhfialnak ca zong kan chuah caah an i ap mi a si.” tiah media sin ah a chim.
Kunlong peng, Kanmine ah a um mi SAC kuttang Infantry Battalion-143 in ralkap 41 zong ttangti phu thum sin ah, October ni 30 ah an battalion ning in hriamnam he an i ap.
Photo: MNDAA (MNDAA sin ah hriamnam a chia mi pyithusit pawl)
