Karenni ralkap phu komh nih nihin May 6, zinglei sml. 11:00 ah SAC ralkap helicopter pakhat tla lak in an kah tiah theih a si.
Karenni ramkulh, Hpasaung peng ah an kah mi a si i, SAC lei nih cun hi kong ah zei hmanh an thanh mi a um rih lo.
“Dohthlengtu ralkap hna nih Hpasaung ah SAC helicopter pakhat tla lak an kah ti mi cu a dik mi a si ko,” tiah KNDF thawngthanhnak zung in tuanvo ngeitu nih SPM ah a fehter.
Hpasaung khua laak ding in Karenni ralkap phu komh nih an doh cuahmah lio a si i kahdohnak a faak ngaingai tiah theih a si.
A luan cia 2023 November 11 zong ah Karenni ralkap phu komh nih Loikaw khua pawng ah SAC raltuknak vanlawng pakhat tla lak in an rak kah bal cang.
Photo: Hmanthlak hlun a si.
