SAC nih tuah a timhmi thimnak ca i innchungkhar mincazin laaknak ah SAC a bawmtu Non-CDM pawl zong kah nan si cang lai, tiah CDF-Hakha nih September 24 ah ralrin peknak thawngpang a chuah.
September 23 ah Hakha khua i SAC kuttang zung kip Non-CDM pawl cu SAC nih an auh hna i, thimnak ca ah mincazin laak ning training an pek hna, tiah CDF-Hakha nih a ti.
“Ralhrang ralkap he rian a ṭuan ṭimi cu ralhrang ralkap bantukin ruah nan si lai tiah 2022 June 16 ah CDF-Hakha nih cathanh kan rak chuah nain Non-CDMer cu kan i kap hna lo,” tiah CDF-Hakha nih a langhter.
Asinain, atutan thimnak ca i mincazin laaknak ah SAC a bawmtu Non-CDM pawl cu anmah ralhrang ralkap bantuk in hmuhnak poh ah kah nan si ve cang lai, tiah CDF-Hakha nih ralrinnak peknak ca a chuah.
