2020 chungah Paletwa ralzaam mi hna caah pumpak in siseh, a phu in siseh bawmhnak a pe mi pawl hna cu Relief and Rehabilitation Committee for Chin (RRCCI) nih roca (certificate) pek an timh hna tiah theih a si.
Hi roca pek ding kong he pehtlai in RRCCI Chiarman Salai Issac Khen nih, “2020 chungah Paletwa ralzaam mi hna caah bawmhnak a pe mi hna pawl hi pumpak in an si ah a phu in an si ah RRCCI nih roca pek kan timh hna. Hi roca pek ding mi pawl cazin hi kan tuah thluahmah lio a si, January thla chung ah kan pek khawh ko hna lai” tiah The Hakha Post ah a chim.
RRCCI phu hi Paletwa ralzaam hna caah bawmhnak a tambik a pe mi phu an si. Atu bantuk RRCCI nih Paletwa caah bawmhnak a pe mi hna roca pek timh hi a voi khatnak a si tiah theih a si.
Chin ramkulh, Paletwa peng ah Myanmar ralkap le Rakhine ralkap AA hna hi 2015 kum in raltuk an rak i thok hi a si.Atu hi Myanmar ralkap le Rakhine ralkap AA hna kah dohnak an ngol hi thla 3 a si cang tiah theih a si.
