Chinram le Mizoram ram chawlehthalnak Gate an khar ruang ah Mizoram chung ah Myanmar ram in an luhpimi thilri man a kai, tiah theih a si.
India-Myanmar ramri Gate No. 2 tiah an auhmi Rihkhawdar le Zokhawthar karlak Gate cu India lei Central Bureau Investigation nih July 25 thawk in a rak khar.
Myanmar ram in India lei ah a lutmi rithaisii le Kuva thei pawl kong ah hlathlainak tuah ding in India lei nih Gate an khar chungmi a si tiah an ti nain zeitik ah dah an hon ṭhan lai timi fiang in theih a si lo.
Rihkhawdar le Zokhawthar Gate in minung cu luhchuah khawh a si ko nain thilri belte zeihmanh luhpi khawh a si lo caah Mizoram chung ah Myanmar ram thilri man a let in an kai, tiah theih a si.
