Sagaing ramthen, Yin Mar Pin khua Chaklei Bantbwe khua council ralhrang le Pyu Saw Htee fonh phu cu rammi rungvengtu phu pawl nih nihin, October 28 zing ah hriampi in an kah hna tiah theih a si.
Bantbwe khua ah a um mi council ralhrang pawl cu Monywa District Battalion 1, Division 4 SRAF, Steel Force MPDF, Kani Revolution Force le Allied Forces phu pawl nih hriampi in zinglei suimilam 5:48 in 6 tiang an kah hna.
An kahnak hna ah council ralhrang lei in hma a pu mi le a thi mi zat cu theih a si rih lo. Rungvengtu phu chungin ralkap pakhat cu kut ser hriam tlamtlin lo nak ruangah hma a pu tiah SRAF nih a langhter.
Council ralhrang nih nizan, October 27 ah Pale peng chung cu vanlawng in a kah mi lehrulnak ah kan kah mi a si tiah Monywa District Battalion 1, Division 4 SRAF nih an langhter.
Photo. SRAF ralkap cheukhat (Hmanthlak thing a si)
