Sagaing ramthen, Homalin peng, Shwepyiaye khuapi cu rammi rungvengtu ralkap phu komh nih an laak khawh tiah NUG Runvennak Minister Zung nih tuzaan ah a thanh.
Rammi ralkap hna nih November 21, zinglei suimilaam 6:00 ah Shwepyiaye khua cu kah hram an thawk i November 22, zanlei 6:00 ah an laak khawh tiah an langhter. Khuapi an laak khawh zarh khat a rauh hnu lawng ah atu bantuk in thawng an hun thanh hi a si.
Khuapi laak kahdohnak ah SAC ralkap pariat a nung in an tlaih hna pin ah hriamnam kuanzen tampi an laaknak kong zong an thanh.
Rammi rungvengtu ralkap phu hna nih Sagaing ramthen chung ah Kawlin khua, Khampat khua le Shwepyiaye khua tiin khuapi pathum an laak khawh cang tiah kan theih.
Photo: MoD
