Myanmar ram Ngandamnak le Zaanglek Zung nih 2020 June 19 suimilaam 8:00AM i mizapi sin a thanh mi ah zawtnak ngei hmuhchap mi minung 23 an si.
Atu zawtnak thar hmuhchap mi minung 23 chung ah minung 19 hi Thailand ram in a rak tlung mi an si. Zawtnak chek mi hna hi minung 2,422 an si.
Ayeyarwady ramthen, Mon ramkulh, Tanintharyi ramthen, Rakhine ramkulh, Yangon ramthen, Mandalay ramthen le Bago ramthen i a ummi hna an si.
Myanmar ram chung ah COVID-19 zawtnak ngei minung 286, zawtnak in a dam than mi minung 185 le zawtnak in a thi mi minung 6 an si cang tiah theih a si.
Chin Ramkulh chung zong ah COVID-19 zawtnak ngei sii-inn ah thlop cuahmah mi Tedim sii-inn ah pahnih, Hakha sii-inn ah pahnih tii in an um. Sii-inn ah zohkhenh cuahmah a si mi hna zong an ngan a dam ngaingai rih ko tiah thawng theih a si.
