Ramdang in Myanmar rammi minung sing 5 in sing 10 kar May thla chung ah an phan lai i, cu chung ah Chin Ramkulh in minung 1,706 an i tel, tiah kan theih.
Hi kong he pehtlai in Chin Ramkulh Cozah Social Affairs Minister Pu Pau Lun Min Thang nih, “Atu hi, ramdang in Myanmar rammi minung sing 5 in sing 10 karlak Myanmar ram ah an kir than lai ti a si. Cu chung ah, atu tiang cazin an kan pek ning ahcun Chin Ramkulh ah a rak kir ding mi hi minung 1,706 an si. Cucaah, mah a rak kir ding mi hna chiahnak ca ah tiin Chin Ramkulh Khuapi kip ah hmunhma (Community Based Facility Quaratine) zong kan siamremh cang,” tiah The Hakha Post ah a chim.
“Atu hmunhma kan siaremh mi chung ah hin minung 1,840 an i tlum lai. Hmunhma hi hmun 50 kan remh cang. Hmunhma kan remhnak hna cu, Hakha ah hmun 12, Thantlang ah hmun 2, Falam ah hmun 7, Mindat ah hmun 8, Tedim ah hmun 3, Matupi ah hmun 4, Tonzang ah hmun 9, Kanpalet ah hmun 5, Paletwa ah hmun 7 hna an si. Tedim le Tonzaang hi hmunhma a chambau deuh rih ca ah hmunhma dang zong kan zoh than lai. Hi hmunhma hna cu, Na-ta-lah sianginn, Engtunhmuh, Sianginn le College tibantuk hna ah an si,” tiah Minister Pu Pau Lun Min Thang nih The Hakha Post ah a chimchap.
Myanmar rammi ramleng in a rak tlung cang mi zong an tampi i, 2020 April 27 tiang ah ramdang in Chin Ramkulh chung a rak phan
