Mizoram, Aizawl District, Sihhmui ralzaam camp ah inn kanghnak a tong mi Chin ralzaam pawl cu Young Mizo Association (YMA), Network for Unity Association (NUA), Biaknak Phu hna le kiangkap mipi nih February 22 ah inn an sakpiak ṭhan hna, tiah theih a si.
February 21 zaan ah Sihhmui ralzaam camp (2) ah meikanghnak a chauk i, zaan pumh kar a si caah thilri zeihmanh an chuah manh lo.
Innkanghnak ah ralzaam inn 8, phone 4, Solar le Battery 9, le thilri tampi an kangh pin ah innzuat saṭil ar 30 leng, vok pakhat le uico pakhat zong mei nih a kangh chih hna.
Meikanghnak a chuahnak Sihhmui ralzaam camp (2) ah hin ralzaam milu 350 hrawng an um i, a tam u cu Matupi ralzaam an si, tiah kan theih.
