Ralrin peknak
Hakha Khuanu Khuapa hna nan sin ah thawng theihter le ralrin peknak kan duh hna. Hakha khua chung ah inn hmun le inn License deu tuah in mi tangka cawi le hlen hmang mi an um. Ka inn zong License deu tuah in mi tangka cawi in, mi hlennak ah an hman. Tangka sing 50, sing 100 in an cawi hna i mi an hlen lengmang hna. Mi hlennak ah an hman mi cu 2020 September 29 ah, an chiahnak mi nu nih “Na inn License na hlaan bal hna maw, ka inn a phan” tiin a ka chimh. Keimah lei zong nih thil sining ka hlat i a si taktak mi a si ko.
Hi thil a tuahtu a minung zong kan theih ko cang hna. Kum hnih leeng lih le hrokhrol in mizapi sin ah an phakter cang. Thong thlak ka duh ngai hna. An min le an khua, an khrihfabu le an hmanthlak zong, mizapi hmai ah taarlangh ka duh ko nain, Pathian riantuantu ka si ca ah, ka ngaihthiam hna.
Ka inn License Original hi ka sin ah a um ko, cucaah, Halta Len Vang, inn License min in, nan sin an phakpi than sual a si ahcun a deu a si lai kha thei cio ulaw cohlaang ti hna hlah uh, tiah thawng kan thanh hna.
Hi mi hrokhrol pawl hi tuhnu voi khat, an tuah ka theih rih ahcun ka ngaithiam kho ti hna lai lo. An min, an khua, an riantuan mi le an hmanthlak zapi theih in ka taarlangh cang hna lai. Cun, zungzal an um nakding inn cu thonginn kha a si ko lai. Khuanupa hna na License na hmun License thingkuang ah tha tein ka fim ko tiah na hnangam hlah seh. License deu tuah thiam an um ko rua hih. Ralring le fimkhur tein um cio ding ah kan sawm hna.
Evan. Len Vang
Pehtlaih duh mi ca ah
09-458-074-086
