Ralkap tla kho ding rikhiah chung ah aa tel mi Myanmar ram pumpi Non CDM pawl min cazin laak ding in SAC nih lakhruak nawlpeknak ca a chuah tiah Khit Thit Media nih a tial.
Cucu Yangon ramthen tel in Myanmar ram pumpi ah ni thum chung ah laak ding a si. A ra lai mi kum thum chungah a changchang in ralkap a tla ding Non CDM pawl mincazin zong a dikthlir in an khawmhter hna tiah theih a si.
Yangon ramthen chung Non CDM pawl min cazin cu February 19, zinglei sml. 9:00 ah pek ding a si i, February 21 zinglei sml. 10:00 ah cazin tlamtling in ap ding a si tiah an langhter.
Cun, a ra lai mi 2025, 2026 le 2027 ah ralkap a tla ding mi Non CDM pawl cazin zong a dikthlir in khawmh ding ah SAC nih lakhruak in nawl a pek hna tiah theih a si.
Hmanthlak: Khit Thit Media
