Mandalay, Aungmyethasan peng chung ah a um mi sang pawl cu, ralkap ah luhter awk ah sang khat ah mino 20 cio chuahpi ding in SAC ralkap nih an hal hna tiah theih a si.
March 6 ah SAC ralkap le peng/sang khuabawi pawl meeting an tuah hnu ah atu bantuk in an hal hna hi a si.
“Kum tling mino 20 nan rak chuahpi hna lai tiah an ti. Sang chung ah kan va chim ahcun an kan nawn lai. Kan in tuahpiak kho hna lai lo tiah kan al hna,” tiah sang khuabawi he naihniam pakhat nih Shwepheemyay ah a chim.
Atu tiang ah cun sang khuabawi dihlak deng nih an al hna i, khualtlung cazin a pe lo mi pawl lawng SAC ralkap sin ap ding in an chimh hna tiah theih a si.
Atu bantuk in ralkap a tla ding cazin an hal hna caah, Aungmyethasan peng chung ah khualtlung cazin pehtlai in an chek tiah theih a si.
Photo: Nawlngeihnak hramhram an laak hnu ah SAC nih khualtlung cazin an check lio hmanthlak hlun a si.
