Tuah dih a si cang mi thimnak cu tlukruannak a um lo ca ah Union Election Commission zung nih ralkap he i bawm in tlukruang tein thimnak tuahpiak than ding in USDP nih nawl a hal tiah theih a si.
2020 November 11 Yangon Ramthen, Bahan khuapi ah a ummi USDP zung i thawngfianternak press conference an tuahnak hmun ah atu bantuk in USDP lei nih an chim hi a si.
2020 kum thimnak hlankan mee an pek hnu November 8 ah mee a thla than mi an umnak kong, ram pi huap mee a thla kho ding cazin langhter mi leeng in mee a thlatu an tam deuhnak kong le a dangdang buainak le ningcang loin cawlcanghnak pawl a um tiah tehte minung pathum he thawngfiannak an tuahnak hmun ah USDP nih an langhter.
Union Election Commission nih an tuah mi 2020 kum Myanmar ram party tling democracy thimnak ah tlamtlin lonak, phuangbuarnak le a dangdang buainak a um ca ah thimnak tuah mi hi kan cohlang khawh lo ca ah thimnak tuah than ding in kan hal mi hi a si tiah USDP lei nih an chim.
USDP party lei in Chairman U Than Htet nih USDP in Hluttaw Candidate pawl phungsan 19 minsen thutter lo ding in RFA he Interview an tuahnak ah a chim.
2020 kum thimnak ah USDP party in rampi huap Hluttaw mee hmun 31 lawng ah teinak an hmuh tiah theih a si.
