Ralkap tlaknak upadi ning in auh mi pawl chiah nakding ah, sianginn hna timh cia in an um cang tiah SAC Runvennak Minister General Tin Aung San nih SAC kuttang media pawl ah a chim.
April thla thawk in thip khat ah minung thong nga lengmang ralkap a tla ding kan auh hna lai tiah SAC nih a rak thanh cang.
SAC nih chungtel minung 18 tel in ralkap khawmtu phu an ser i SAC Runvennak Minister General Tin Aung San cu lutlai a si.
NUG nih cun, SAC fehter mi ralkap tlak nakding upadi cu zulh a hau lo i, hi kong ah aa tel mi SAC tuanvo ngeitu pawl zong hremnak pek an si lai tiah a rak thanh.
Ralkap tlaknak upadi ruang ah mino tampi an lungre a thei i, ram dang chuah nakding aa zuam mi an um bantuk in dohthlennak hriamtlai phu ah a lut mi mino tampi an um.
Photo: AFP (Hmanthlak hlun a si)
