Mindat le Falam kahdohnak kong he pehtlai in a dik lo mi thawng ṭial le thlah lo ding in Chin Brotherhood nih thawngthanhnak ca a chuah.
November 9 thawk in Mindat le Falam khua chung ah a um mi SAC ralkap sakhan hna cu hma khat te ah kan kah hna i atu tiang kap hnih kar kahdohnak a faak tiah Chin Brotherhood nih nihin November 13 ah zapi theihternak a tuah.
“Atu lio ah Chin Brotherhood raldohnak, kahdohnak he pehtlai in a dik lo in ṭial mi, thawng dik lo thanh mi kan hmuh hna caah, cu bantuk in ṭial le thanh lo ding in kan in nawl hna,” tiah an langhter.
A dikfel mi thawng le teinak thawngpang hna cu Chin Brotherhood lei nih kan rak thanh te lai tiah thawngthanhnak ah an ṭial.
“Operation CB” min in kalpi cuahmah mi Falam le Mindat khua kahdohnak ah CB lei nih bawmh kan hal hna caah hawikom bu cheukhat nih an kah dohpi ti zong thawngthanhnak ah an ṭialchih.
